انتشار ظاهره التدريب الشخصي

 خلينا النهارده نتكلم على انتشار ظاهره التدريب الشخصي او المدرب الشخصي الفكره جميله لكن التنفيذ سيء جدا

 وده يمكن عامل بعض المشاكل بين المدربين اللي موجوده على الساحه لان دايما تلاقي كده على السوشيال ميديا بعض التلقيحات يعني يقول لك شكرا لكل واحد اتمرن 15 يوم وما قالش انا هشتغل مدرب شخصي 

ادي ده تلقيح 

وحاجه كمان يقول لك اي مدرب اقصر طريق عشان تكوني مدربه

البسي فيزون وكت 

وعشان تظبط الفكره دي وتاكد عليها يبقى لازم نعرف الاول ايه هو المدرب الشخصي وهل الشهادات الممنوحه سواء من عده اكاديميات كثيره جدا بتتنافس على تقديم الشهادات دي بغرض وباكد تاني بغرض استغلال ان الشباب دي بتدور على فرص عمل فبتمشي الموضوع كانه بيزنس بغض النظر عن المحتوى اللي هيطلع منه المدرب ده فانا احب اقول لك اني اقل مده المفروض تدرسها عشان تكون مدرب معتمد مش اقل من ثلاث سنين ودي عن تجربه طويله جدا في المجال وطبعا لازم يكون ليك فتره كبيره جدا اتدربت عملي على الكلام ده لان الفكره مش ان انا اكون جسمي حلو وشكلي حلو وبلبس حلو تعني اني  انا اقدر واشتغل مدرب بل بالعكس انت بتبقى مسؤول عن صحه بني ادمين تحت ايدك في الجيم اي حركه غلط اي شده زياده في التمرين عن المعقول اي سوء تقدير لموقف ما  وقت لما يحصل سيريس او حاجه خطيره جوه الجيم ده كده بيتعرض حياه الناس للخطر .

الفكره ان برده في جزء كبير يقع علي عاتق الجيمات لانها برده بتسترخص في بعض الاوقات وتقول لك انا ليه اجيب واحد مثلا معتمد ويطلب مني مرتب كبير طب ما انا اجيب اي عيل طالع مش عارف ايه واخد كم مش عارف ايه فادي له كذا فيبقى عارف تمامه  ويوافق والدنيا تمشي وابقى شغلت المكان بتاعي لكن ما ننساش في نفس الوقت انك بتخاطر بسمعتك وصحه الناس اللي بتتمرن عندك .

لكن خلينا برده نكون موضوعيين لان عندنا ثلاث مشاكل من اهم ثلاث مشاكل في السياق ده كله او المشكله هي مكان الاعتماد نفسه ايه الاماكن المعتمده اللي المدرب ممكن ياخذ منها شهادات تكون معتمده فعلا ما فيش شك ان الشهادات الدوليه من اقوى الشهادات المتصدره في مجال التدريب الشخصي لكن الفكره كلها ان سعرها غالي جدا يعني ممكن تلاقي مثلا الشهاده فيهم 20000 فيما فوق طب زمان لما كانت الشهادات دي عامله 5400 كان متوسط راتب المدرب يخليه مثلا يجيب ثمن الشهاده دي في شهر او شهرين ماكسيمام . لكن لما الشهاده تكون ب 20,000 او ب 25000 يا ترى المفروض مرتب المدرب يبقى كام دلوقتي وده عامل مهم 

نمره 2 ان مهنه المدرب الشخصي ما لهاش حماية او تنظيم . حامي يعني ايه جهه هنا متصدره ان هي تصرف لها المعاش بتاعها تكون مسؤول عنها في ناس هترد عليا تقول لي طب ما في زي نقابه المهن اللي مش عارف ايه وزي نقابه ايه وزي اتحاد ايه كل ده كله يعني كلنا شفناه ساعه وقت الكورونا كان هو في ناحيه والمدرب الشخصي في ناحيه ثانيه خالص .

نمره ثلاثه من وجهه نظري الجهل الجهل من كل الاطراف يعني ممكن انا اكون فاتح الجيم فما عنديش العلم الكامل اني اقدر اميز بيه او ان انا اعمل بيه انترفيو قوي يفرق ما بين المدرب القوي والمدرب العادي خالص او ان الجمهور نفسه مش عارف الفرق ما بين المدرب ده والمدرب ده فده بيخلي برده اختار المتاح بس الفكره كل العناصر دي بتاثر على مهنة المدرب الشخصي .